O CCA DE ARZÚA INTÉGRASE NO MARKET PLACE «ZASKA»
A Asociación de Empresarios da Comarca de Arzúa (A.E.C.A.) ven de realizar diferentes actuacións referentes á incentivación da dixitalización do comercio local.
A máis recente é a adhesión do Centro Comercial Aberto de Arzúa a ZASKA «The big market»; unha plataforma de venda a distancia por internet creada especialmente para o comercio local. O obxectivo de este proxecto é facilitarlles aos comerciantes asociados que comecen coa venta en liña, e se impliquen no proceso da dixitalización comercial.
A integración na plataforma ZASKA permitiralles aos pequenos comercios competir na era tecnolóxica, proporcionándolles un escaparate máis amplo, un novo canal de venda e promoción dos produtos con servicios adicionais de posicionamento, analíticas da información da tenda en tempo real e apoio na xestión do comercio por internet.
Trátase da solución dixital que o comercio local necesita no contexto extraordinario no cal vivimos pola crise do COVID19.
AECA levou a cabo a xestión da adhesión a ésta plataforma sen custe algún para o comerciante asociado, promovendo así o proceso de modernización do comercio local.
Agora, que a adhesión xa é unha realidade, os clientes do CCA de Arzúa tamén poden facer mercas a distancia, tan só teñen que descargar de forma gratuíta a aplicación ZASKA e rexistrarse en www.zaskaapp.com
