AECA organiza unha gran festa de animación infantil pola volta ao cole
GRAN FESTA DA VOLTA AO COLE EN ARZÚA
O sábado 10 de setembro AECA celebra a Festa da volta ao cole; un evento co fin de dinamizar o comercio local; para motivar que as familias preparen a volta ao cole apostando polo consumo no comercio asociado.
A campaña consiste na organización dunha festa de animación infantil con diferentes actividades como inchábles, pintacaras, un carriño doce e animación musical para fidelizar aos clientes, e onde se premiaran as mercas coa entrega de agasallos (mochilas promocionais).
A festa será a cargo da empresa de animación Montamos la fiesta. Está programada para o sábado 10 de setembro pola tarde no recinto do Multiúsos Terra do Queixo, onde terán acceso tódalas familias que merquen nalgún comercio pertencente a AECA, e que presenten 1 tícket de gasto por neno/a e por importe mínimo de 20€, con data comprendida do 1 ao 10 de setembro.
Aos nenos que acrediten ese gasto no CCA Arzúa ou en calquera outro establecemento comercial pertencente á Asociación de Empresarios da Comarca de Arzúa, entregaráselles unha pulseira identificativa no acceso ao recinto do Multiúsos, coa cal poderán desfrutar de tódalas actividades, e ademáis se lles entregará como agasallo unha mochila promocional da AECA.
O obxectivo da campaña é premiar ás familias que preparen a volta ao cole co comercio local e visibilizar as vantaxes de mercar no pequeño comercio; promocionando as tendas con actividades comerciais vinculadas á venta de material escolar, informático, deportivo, de equipación personal para nenos ou xóvenes, e de calquera outro tipo de mercadoría relacionada coa volta ao cole existentes no cca Arzúa, e posicionando a éstas como a mellor opción de merca fronte a outras grandes superficies e xigantes on line, que non prestan un servicio personalizado e de confianza como o comercio local; coa tranquilidade e o aforro de tempo e diñeiro que supón mercar na proximidade.
